Ügúnish qilidighan ayrim sinipi

Oqush mukapat puli we qerz sommisi élish toghrisida

norwégiyidiki aliy mekteplerde oqush mukapat puli we bashqa shekildiki yardem nisbeten azraq bolup, peqet birqanche türlük tetqiqat mukapati, oqutush mukapatila tesis qilinghan. iltimas qilghuchilar köp bolghanliqtin, bu mukapat puligha érishishmu qiyingha toxtaydu. nöwette norwégiye hökümiti hökümet tereptin bérilidighan oqush mukapat puli we maarip qerz puli tesis qilghan bolup, aldinqisi norwégiye hökümiti özi bilen medeniyet almashturush kélishimi imzalighan döletlerdin kelgen oqughuchilar we yash tetqiqatchi xadimlargha bérilidighan oqush mukapat puli bolup, hökümetler ara menpeet yetküzgenlik bolidu. norwégiyining maarip qerz puli fondi bolsa asasliqi öz dölitining oqughuchiliri üchün tesis qilinghan bolup, chetellik oqughuchilar iltimas qilsimu bolidu. biraq buning sherti bar bolup, ular choqum pütün kün oquydighan oqughuchi bolghan bolushi hemde töwendiki shertlerni hazirlighan bolushi lazim: yeni tereqqiy qiliwatqan döletlerdin kelgen, shundaqla norwégiyide olturaqlishish ijazitini alghan bolushi ; norwégiyidiki aliy mekteplerde 3yil muntizim oqughan(teyyarliq sinipnimu öz ichige alidu) hemde layaqetlik imtihan netijisi bolghan bolushi; mektepke kirishtin ilgiri norwégiyide az dégendimu bir yil xizmet qilghan bolushi; norwégiye puqrasi bilen toy qilghan bolushi yaki musapirliq salahiyiti bolghan bolushi lazim. töwendiki ehwallarda chetellik oqughuchilargha qerz puli bérilmeydu: norwégiye yaki bashqa döletlerning yardimige alliburun ériship bolghan; bashqa bir tereqqiy qilghan dölettiki uniwérstétlarda bir xil kesipni öginip bolghan; dokturluq ilmiy unwani élishni iltimas qilghuchilar; öz dölitide oqush püttürgendin kéyin 4 yildin artuq xizmet qilghanlar. maarip qerz puli fondining mudditi 5yil bolup, her oqush mewsümi bashlinishtin ilgiri tarqitilidu. maarip qerz pulidin behriman bolghan chetellik oqughuchilar oqushini tamamlighandin kéyin, bashqa döletlerge köchmen bolsa, qerz alghan pulni choqum qayturushi shert.