Oqughuchilar wizisini qandaq iltimas qilish kérek

meyli norwégiye uniwérstétlirining toluq kurs yaki magistirliq siniplirini iltimas qilish bolsun, bir yil burun iltimas qilishqa toghra kélidu. wiza iltimas qilghanda, norwégiyidiki uniwérstét yaki inistitutning qobul qilish uqturushi bolushi kérek. wizigha qarap chiqish üchün adette 1~4 ayghiche waqit kétidu. eng yaxshisi aldi bilen dölet ichide toluq kursni oqup bolup, andin toluq kursni tamamlashtin ilgiri norwégiyede magistirliq oqushni iltimas qilish kérek. norwégiyede magistirliq oqush üchün 2 yil waqit kétidu. eger ikki yil ichide püttürüp bolalmisa, 1~2 oqush mewsümi uzartishqa toghra kélidu. barliq wiza iltimasini norwégiyening özige ewetip bérish lazim . wiza testiqlinamdu – yoq buni norwégiye köchmenler idarisi belgileydu. eng axirida xewer iltimas qilghuchi oqughuchi turushluq dölettiki norwégiye konsulxanisigha ewetilidu. konsulxana oqughuchining iltimasigha qarita, shu oqughuchigha norwégiyediki aliy mektep bilen biwasite alaqilishish teklipini béridu. bu iltimas qilghuchi oqughuchida bir yaxshi bolghan chetelde oqush xirajiti pilani bolushqa paydiliq. norwégiye oqush puli kechürüm qilinghan dölet bolsimu, biraq turmush sewiyisi yuqiri bolghachqa, oqughuchilarning turmush xirajitimu nahayiti yuqiri. eger oqughuchining oquydighan mektiwi xususiy mektep bolsa, oqush xirajitini pilan ichige kirgüzüsh lazim. norwégiyede oqush xirajiti mundaq: hökümet qarimiqidiki uniwérstétlarda oqumaqchi bolghan oqughuchilar eng yaxshisi her yili 80~90 ming yüen xelq puli iqtisadiy kapalet sommisi bolushi kérek bolup, kündilik turmush chiqimi qilinidu.

Toluqlap qoyushqa tégishlik birqanche terep

1: iltimas qilishtin burun öz nishanini aydinglashturuwélish, qaratmiliqi bar halda mektep, kesip tallash lazim. öz kespidin halqip kesip tallashning qiyinliq derijisi yuqiri bolup, kesip tallighanda eng yaxshisi bashqilardin pikir almay, öz ehwaligha qarap tallighan yaxshi.

2: daim mektep tor ponkitlirigha kirip, aldin iltimas qilish, resmiy iltimas qilish, munasiwetlik matériyallarni tapshurushning waqti qatarliq uchurlardin xewerdar bolup turush kérek.

3: köp sandiki kishiler üchün éytqanda, «IELTS»  yaki « TOFEL »imtihanini baldurraq bérish kérek bolup, gerche, bezi mekteplerning yasi imtihan nomur chéki 5 yaki 5.5 bolghini bilen, buningdin yuqiriraq numur alsingiz téximu yaxshi. barliq matériyallarni baldurraq teyyarlap qoyush, aldin iltimas qilishtin ötkendin kéyin andin teyyarliqni bashlashtin saqlinish lazim. waqit yéterlik bolsa, matériyallarnimu köngül qoyup teyyarlighili bolidu. pasport béjirish we hökümet guwahliqidin ötküzüshke belgilik waqit kétidu, shunga buningghimu waqit qaldurush lazim.

4: barliq matériyallarni köngül qoyup teyyarlap ewetkendin kéyin, sewrichanliq bilen kütüshke toghra kélidu .

Axirida köpchilikning öz arzusidikidek mekteplerge qobul qilinishini tileymen.

2009 yil 12-ayning 1-künidin bashlap yéngidin yolgha qoyulghan wiza xirajiti belgilimiside: xizmet we oqush yaki wiza waqtini uzartish resmiyet heqqi 1340¥ yüen xelq puli yeni  195$ amérika dolliri dep békitilgen.

oqughuchilarning wiza iltimas qilishigha munasiwetlik matériyallarni töwendiki tor ponkitidin körüng:

http://www.norway.org.cn/Embassy/visa/fees/

Norwigiye Beijing diki elchixanining orni: