Oquydighan penlerge tizimgha aldurush

oslo uniwérstitini misalgha alsaq, cheteldin kélip oquydighan oqughuchilar üchün tesis qilinghan penler cheklik bolup, konkrét belgilime mundaq: öz dölitidiki oqughuchilar, shimaliy yawropadiki bashqa döletlerdin kelgen oqughuchilar we norwégiyide muhajir bolup turuwatqan chetellikler doxturluq, chish doxturluqi, dorigerlik we trofologiye  (ozuqshunasliq) penlirige imtihan bérishke tizimlatsa bolidu; peqet norwégiyilik oqughuchilarningla qanunshunasliq kesiplirige tizimlitishigha bolidu, chünki, bu kesipte peqet norwégiyining qanun-tüzümliri we belgilimilirila sözlinidighan bolup, ilmiy unwan alghandin kéyin derhalla shu jayda shu xil kesip bilen shughullinalaydu. edebiyat, matématika, kompiyutér qatarliq tebiiy pen we ijtimaiy pen inistétutlirila chetellik oqughuchilarni qobul qilidu. herqaysi penler ichide, iqtisadshunasliq, uchurshunasliq kespige imtihan bérishke tizimlitidighanlar eng köp, riqabet keskin bolup, az sandiki oqughuchilarla qobul qilinidu. qobul qilidighan uchurshunasliq magistir aspirantlirining sani téximu az bolidu.

Oqush nomuri bilen netijini bahalap békitish tüzümi

uniwérstét we uniwérstét derijilik inistétutlarning aliy maarip derslikining oqush nomuri  «yawropa  oqush nomurini almashturush we jughlash sistémisi  (ects)» ölchimi boyiche hésablinidu. pütün künlük oqush tüzümidiki oqughuchilarning bir oqush yilidiki oqushi  60 oqush nomurigha barawer bolup, meyli oqughuchilarning derije kursining yuqiri – töwenlikidin qetiy nezer, oqughuchilarning netijisi A   (eng yuqiri nomur) din F (layaqetsiz) giche bahalinidu. E layaqetlikning eng töwen nomuri bolup hésablinidu. bulardin bashqa, bezi penlerning imtihan netijisi meyli yuqiri yaki töwen bolsun, addiy qilip layaqetlik yaki layaqetsiz depla bahalinidu.